БАТЛАН ХАМГААЛАХЫН ИХ СУРГУУЛЬ

Эх орон, Эрдэм мэдлэг, Эр зориг, Тэсвэр хатуужил

  • Үсгийн хэмжээ томруулах
  • Үндсэн үсгийн хэмжээ
  • Үсгийн хэмжээ багасгах

“Шинжлэх ухаан, технологи, инновацийн шалгуур үзүүлэлтүүд” сэдэвт үндэсний сургалт семинар

ЮНЕСКО-гийн Статистикийн хүрээлэнгээс зохион байгуулсан  “Шинжлэх ухаан, технологи, инновацийн шалгуур үзүүлэлтүүд” сэдэвт үндэсний сургалт семинар 2014 оны 10 сарын 14-16-ны өдрүүдэд ШУТИС-ийн Төв номын санд зохион байгуулагдаж, БШУЯ, Шинжлэх Ухааны Академийн хүрээлэнгүүд, Их дээд сургуулиуд болон бусад холбогдох судалгаа шинжилгээний байгууллагуудын төлөөлөл оролцлоо. Батлан хамгаалах салбараас БХЯ-ны ШУТЗ-ийн Эрдэмтэн нарийн бичгийн дарга, хошууч Л.Оюунцэцэг, Батлан хамгаалахын эрдэм шинжилгээний хүрээлэнгийн Цэргийн боловсрол, сургалт судлалын төвийн эрдэм шинжилгээний ажилтан Б.Баатарсүрэн, Инноваци өөрийн үнэлгээний мэргэжилтэн, хошууч Э.Булгантөгс нар  оролцлоо.Уг сургалтаар Фраскат, Ослогийн  гарын авлагын танилцуулга, үндсэн тодорхойлолт, Шинжлэх ухаан, технологи, инновацийн ангиллын танилцуулга, судалгаа хөгжлийн ажил, судалгаа хөгжлийн боловсон хүчний хэмжүүр, бүтэн цагаар ажилласан хүний тоонд тэгшитгэх аргачлал, судалгаа хөгжилд зориулсан зардал, асуулга зохион байгуулах журмууд, судалгаа хөгжлийн ажлын асуулгыг төсөл хэлбэрээр зохион байгуулах нь, инновацийн асуулга зохион байгуулах аргачлал загварын танилцуулга зэрэг сэдвүүдээр ЮНЕСКО-гийн Статистикийн хүрээлэнгийн мэргэжилтэн Мартин Шаапер, Рохан Патхирэйж нар удирдан явууллаа Фраскатын гарын авлага танилцуулж байна.

Энд дарж үзнэ үү

 

Спортоор өрсөлдөв

БХИС-ийн ЦКС-ийн Төрийн Захиргаа ,удирдлагын тэнхим үүсэн байгуулагдсаны 15 жилийн ойн арга хэмжээний хүрээнд төрийн захиргаа илтгэлийн боловсон хүчин бэлтгэдэг Удирдлагын академи,БХИС,ШУТИС,Засагт хан,Цэцээ гүн сургуулийн багш нарын дунд волейбол, дартсын тэмцээнийг 10 сарын 15 –нд БХИС-ийн зааланд амжилттай зохион байгуулагдлаа.

Гар бөмбөгийн тэмцээнд:

         1-р байр ШУТИС

       2-р байр Засагт хан дээд сургууль

     3-р байр Удирдлагын академи

Дартсын тэмцээнд:

                                         1-р байр Цэцээ гүн дээд сургууль

                                  2-р байр Засагт хан дээд сургууль

                               3-р байр БХИС-ийн баг тамирчид тус тус байр эзлэв.

Багийн дүнгээр Засагт хан дээд сургууль 1-р байр эзэлж ,шилжин явах цом авсанаар ирэх жилдээ багш нарын баяраар уламжлал болгон уг тэмцээнийг явуулж байхаар шийдвэрлэлээ.Мөн тус тэнхимийн 15 жилийн ойгоор явагдсан спортын арга хэмжээг зохион байгуулахад гүн туслалцаа үзүүлсэн Цэргийн Командын Сургуулийн удирдлага,Цэргийн хөгжмийн сургууль,Соёл спортын төв, Биеийн тамирын тэнхимийн хамт олон ,оюутан сонсогчдодоо баярласнаа илэрхийлье.

Төрийн захиргаа Удирдлагын тэнхимийн багш М.Батдорж

                                                                                 Ж.Батдолгор

                                                                               Г.Оюунтуяа

 

Мэндчилгээ

Монгол улсын Батлан Хамгаалахын Их сургуулийн Менежмент төрийн захиргаа удирдлагын тэнхимийн хамт олонд үүсгэн байгуулагдсаны 15 жилийн ойг тохиолдуулан тус тэнхимийн үе үеийн эрдэмтэн багш нар төгсөгчид, суралцагсад та бүхэнд баярын  мэндчилгээ дэвшүүлж эрүүл мэнд, эрдэм ном, ажлын амжилт  сайн сайхан бүхнийг хүсэн ерөөе.

Менежмент төрийн захиргаа удирдлагын тэнхим нь тус сургуулийн тэргүүлэх тэнхим, өндөр үүрэг хариуцлага хүлээдэг, нэр хүндтэй, байр сууриа баттай эзэлсэн, эрдмийн төлөвшсөн хамт олон билээ. Тус тэнхимийг үүсгэн байгуулагч, эрхэм профессор А.Гэлэгжамц танд эрүүл мэнд, эрдэм ном, сайн сайхан бүхнийг хүсэн ерөөе.

Та бүхэн сайхан баярлаарай.

Хүндэтгэсэн  Доктор, профессор Ж.Энхбаяр

 

Төрийн захиргаа, удирдлагын тэнхим үүсэн байгуулагдсаны 15 жилийн ойн мэндчилгээ

БАТЛАН ХАМГААЛАХЫН ИХ СУРГУУЛИЙН “ТӨРИЙН ЗАХИРГАА, УДИРДЛАГЫН ТЭНХИМ” үүсэн байгуулагдсаны 15 жилийн ойг тохиолдуулан үе үеийн эрдэмтэн багш нар, төгсөгчид,  одоо суралцаж байгаа оюутан магистрантууддаа баярын мэнд дэвшүүлье.

Эрдэм номын цагаан буян дэлгэрэх болтугай 

“ТӨРИЙН ЗАХИРГАА, ЭРХ ЗҮЙН ТЭНХИМ”-ийн хамт олон

 

ЦАХИМ ХИЧЭЭЛЭЭ ӨӨРСДӨӨ БЭЛТГЭЦГЭЭЕ. ARTICULATE STORYLINE DVD -ТЭЙ НОМ ШИНЭЭР ХУДАЛДААНД ГАРЛАА.

 “Articulate storyline” програм нь цахим хичээл бэлтгэхэд зориулагдсан, ашиглахад хялбар, бусад төрлийн цахим хичээл бэлтгэдэг програмуудаас олон давуу талтай юм. Өөрөөр хэлбэл “Articulate studio” (quizmaker, engage, presenter, video encoder) програмын сайжруулсан хувилбар юм. Энэхүү програмын тусламжтай багш өөрийн цахим хичээлийг боловсруулах, турших, хөгжүүлэх боломжтой. Хэрэв та MS Powerpoint програмын тодорхой мэдлэгтэй бол энэхүү програмыг сурахад хүндрэл гарахгүй юм. Учир нь энэ програм нь MS Powerpoint програмын функцүүдтэй адилхан байдаг. Цахим хичээл боловсруулах бусад програмууд нь хэрэглэгчээс тодорхой хэмжээгээр програмчлалын хэл шаарддаг бол “Articulate storyline” програм нь програмчлалын хэл шаарддаггүй онцлогтой. 

ЦАХИМ ХИЧЭЭЛЭЭ ӨӨРСДӨӨ БЭЛТГЭЖ СУРЦГААЯ...

Үнэ: 6000

Цэргийн удирдлага, холбоо мэдээллийн тэнхимээс очиж авна уу.

ЦУХМТ-ийн багш Н.Мөнх-Эрдэнэ 

Холбоо барих утас: 88024250

 

Мэдээлэл

Төрийн захиргаа, эрх зүйн тэнхимийн 15 жилийн ойд зориулсан “Нутгийн удирдлагын анхан, дунд шатны байгууллагын ажил үйлчилгээний туршлага, сургамж” сэдэвт эрдэм шинжилгээний хурал  Энд дарж үзнэ үү 2014.10.01

 

БАГШИЙН АЖИЛД УРЬЖ БАЙНА

БХИС-ийн ГХСТ-д англи хэлний багшаар сонгон шалгаруулж 1 багш ажилд авна.

Ажлын байранд тавигдах шаардлага

  • Англи хэлний багшийн мэргэжлээр их дээд сургууль төгссөн
  • Боловсролын магистраас доошгүй зэрэг хамгаалсан
  • Багаар ажиллах чадвартай, харилцааны соёлтой
  • Эрхэлсэн ажилдаа чин сэтгэлээсээ ханддаг байх
  • Орос, монгол хэл заах эрхтэй бол давуу тал болно.

Бүрдүүлэх материал:

  • Их дээд сургууль төгссөн мэргэжлийн диплом  хуулбарын хамт
  • Иргэний үнэмлэх хуулбарын  хамт
  • Төрийн албан хаагчийн анкет (маягт 1-ийн дагуу бөглөсөн байх)
  • Ажилд орохыг хүссэн өргөдөл
  • Цээж зураг 2%

Бүртгэл:

БХИС-ийн ГХСТ-д  2014 оны 10 дугаар сарын 13-15-ны өдрүүдэд өөрийн биеэр бүртгүүлж, холбогдох мэдээллийг авна.

Холбоо барих:

Хаяг: Улаанбаатар хот Баянзүрх дүүрэг, 16-р хороо, Улаанхуаран, БХИС-ийн  Хичээлийн Нэгдүгээр байрны 2 давхар 216 тоот. Утас: 99158996

 

БХИС-ИЙН СУРГАЛТ ЭРХЭЛСЭН ДЭД ЗАХИРАЛ, ХУРАНДАА Д.БААСАНДАМБЫН 2014-2015 ОНЫ ХИЧЭЭЛИЙН ЖИЛИЙН ДОКТОР, МАГИСТРЫН СУРГАЛТЫН НЭЭЛТЭД ЗОРИУЛЖ ХЭЛСЭН ҮГ

Эрхэм хүндэт эрдэмтэн судлаачид, хүндэт элсэн суралцагчид, залуу судлаачид аа.

Та бүхэнд энэ өдрийн мэндийг дэвшүүлж, БХИС-ийн 2014-2015 оны хичээлийн жилийн доктор, магистрын сургалтын нээлтийн ажиллагаанд хүндэтгэн хүрэлцэн ирсэнд талархаж байгаагаа илэрхийлье.

Бид төр, засаг, боловсролын болон батлан хамгаалах салбараас эрдэм шинжилгээ, судалгаа, боловсролын тогтолцооны талаарх үзэл баримтлал, хандлагад зарчмын томоохон өөрчлөлт, шинэчлэлийг эхлүүлж буй түүхэн цаг үед энд хуран цуглараад байна.

Өнөөгийн “мэдлэгийн”, “инновацийн”, “технологийн”, “Азийн” гэх тодотголтой шинэ зуунд Монгол Улсын хөгжил, цэцэглэлт, тусгаар тогтнолын баталгаа болох учиртай “технологи”, “үйлдвэржилт”, “боловсрол”, “бүтээн байгуулалт”-д бие сэтгэлээ зориулахаар зориг шулуудан, докторант, магистрантын шаардлага, шалгуур үзүүлэлтийг бүрэн хангаж, судлаач, эрдэмтэд, эрдэм шинжилгээний ажилтнуудын сургалт, судалгааны их “гал тогоо”-нд нэгдэж буй та бүхэнд БХИС-ийн захиралын нэрийн өмнөөс болон хувиасаа чин сэтгэлийн баяр хүргэе.

БХИС нь түүхэн хөгжлийн 93 жилийн хугацаандаа иргэдэд цэргийн болон иргэний боловсрол, мэргэжил олгохоос гадна эрдэм шинжилгээ, судалгааны ажил эрхлэн, эгнээнээсээ олон арван шилдэг судлаач, эрдэмтэд, төр, нийгэм, батлан хамгаалах салбарын алдартнуудыг төрүүлж, монголын шинжлэх ухааны хөгжилд өөрийн гэсэн чиглэл, өнгө аясыг бий болгож, монгол түүх, монголын бүтээн байгуулалтад тасралтгүй хувь нэмэр оруулан их, дээд сургуулиуд, судалгааны байгууллагуудын дунд нэр хүндтэй байр суурь эзэлсээр ирсэн билээ.

Орчин цагийн судалгааны арга зүй, эрдэм шинжилгээний ажлын арга барил, технологи, шаардлага, шалгуур үлэмж өсч, өөрчлөгдөж буй энэ цаг үед эрхэм суралцагчид, залуу судлаач та бүхэн амьдрал, практик, салбарын болон улс орны хөгжилд нэмэр болох тийм судалгаа, эрдэм шинжилгээний ажлыг сонгон эрхэлж, “сургууль” – “эрдэмтэн багш” – “амьдрал” гэсэн эргэх холбоотой, бүтээмжид чиглэсэн, чанартай бүтээл гаргана гэдэгт найдаж байна.

 Доктор, магистрын судалгааны ажил, бүтээлийг бүтээмжтэй, чанартай, эрэлттэй болгоход сургалтын хөтөлбөрийн дагуу өөрсдийн мэдлэгийн хүрээ, судалгааны арга зүйг тасралтгүй нэмэгдүүлж, байнгын оновчтой эрэл, хайгуул хийж, эрдэмтэн багш нараа болон судлаач-суралцагчийн ёс зүйг эрхэмлэн хүндэтгэж, тодорхой зорилго, төлөвлөгөөтэй, цаг хугацаатай ажиллах шаардлагатай.

БХИС-ийн “Өрсөлдөх чадвартай судалгааны их сургууль” болох эрхэм зорилгод хүрэхэд энд хүрэлцэн ирсэн эрдэмтэн багш, судлаачид, докторант, магистрантууд та бүхнээс ихээхэн зүйл шалтгаалах бөгөөд үүний тулд Монголын Улсын шинжлэх  ухаан, технологийн тэргүүлэх чиглэл, цөм технологийн жагсаалтад хамрагдсан, батлан хамгаалах салбар, сургуулийн эрдэм шинжилгээний тэргүүлэх болон суурь, хавсарга судалгааны чиглэлүүдэд нийцсэн, үр дүнгийн эрэлт хэрэгцээ, шаардлагыг хангасан, шинэлэг, дэвшилтэт, нийгэм, эдийн засаг, шинжлэх ухаан, технологийн ач холбогдолтой тийм судалгаа, шинжилгээ, сургалтыг явуулах нь зүйтэйг цохон тэмдэглэж байна.

Ингээд эрхэм хүндэт эрдэмтэн багш, судлаач-суралцагч та бүгдийн хамтын үйл хэрэгт өндөр амжилтыг хүсэн ерөөе.

 

Монголын их, дээд сургуулиудын консорциумын шилдэг багш нар тодорлоо

Батлан Хамгаалахын Их Сургуулаас "Шилдэг аргазүйч багш"-аар Цэргийн инженерийн сургуулийн дэд профессор Б.Нарантуяа шалгарсан байна. 

Хамтран ажилласан: БШУЯ, Монгол Тэмүүлэл-Сайхан Монгол Орон ТББ, Соёл урлагийн их сургуулийн хүндэт профессор магтаалч хөөмийч Б.Одсүрэн, Батлан хамгаалах их сургуулийн Цэргийн хөгжмийн сургуулийн Үлээвэр хөгжимийн хамт олонд гүн талархал илэрхийлье.

Мөн идэвхитэй оролцсон БХИС-ын удирдлагууд болон багш оюутнууддаа баярлалаа.

Монголын их, дээд сургуулиудын консорциумын ажлын албаны менежер Т.Алтантовч

Утас: 976-99957907

Вэб:  www.cmuc.edu.mn

 

Зарлал

БХИС-ийн Гадаад Хэлний Сургалтын Төвд СОЛОНГОС ХЭЛ, ХЯТАД ХЭЛ, ФРАНЦ ХЭЛ-ний түргэвчилсэн дамжаа 10 сарын 13 наас 12 сарын 12 хүртэл ажлын өдрүүдэд 14:30-17:00 цагт хичээллэх учир БАГШ, АЖИЛТАН, ОЮУТАНУУДЫГ урьж байна. Хичээлийг СОЛОНГОС, ХЯТАД, МОНГОЛ багш нар заана. Суралцахыг хүссэн хүмүүс хүсэлтээ ГХСТ-д 2013.10.10ны дотор ирүүлнэ үү.

 

“Цац” сэтгүүлд өгүүлэл, нийтлэл хүлээн авна

БХИС-ийн эрдэмтэн, багш, судлаач, сонсогч, оюутны эрдэм шинжилгээ, судалгааны бүтээлийг шинжлэх ухааны эргэлтэд оруулах зорилго бүхий “Оюунлаг, бүтээлч сэтгэлгээний төлөө” уриатай, “Цац” сэтгүүл олон улсын АЙ СИ СИ ЭН (ISSN) индэксээ авч, хэвлэгдэн гарахад бэлэн болоод байна.

Тус сэтгүүл нь улирал тутам хэвлэгдэн гарах бөгөөд тодорхой шаардлага хангасан бүтээлийг нийтлэлийн бодлогын дагуу үнэ төлбөргүй хүлээн авч, нийтийн хүртээл болгоно.

Эрдэм шинжилгээний өгүүлэл бичих чиглэл:

- Аюулгүй байдал судлал;

- Батлан хамгаалах судлал;

- Дээд боловсрол судлал;

- Шинжлэх ухаан, технологи, инноваци;

- Танин мэдэхүйн мэдээлэл гэх мэт;

Бүтэцийн хувьд:

- Тэргүүн өгүүлэл;

- Задлан шинжилгээ;

- Асуулт, хариулт (ярилцлага);

- Техник, технологи, инноваци;

- Шилдэг туршлага, сургамж;

- Хэлэлцүүлэг (мэтгэлцээн);

- Түншлэл;

- Танин мэдэхүй;

- Шинэ номын танилцуулга гэсэн хэлбэртэй байна.

Эрдэм шинжилгээний өгүүлэл, нийтлэлд тавигдах шаардлага: 

- Эхэнд нь агуулгыг тодорхойлсон түлхүүр үг /15-аас ихгүй/;

- “Arial” форт дээр, үсгийн хэмжээг 12, 10-аас доошгүй хуудастай байх;

- Зохиогчийн сүүлчийн 3 сарын дотор авахуулсан өнгөт зураг, товч намтар, судалгааны бүтээлийн жагсаалт, холбоо барих утас, и-мэйл хаяг; 

- Ишлэл авсан эх сурвалж, номын дэлгэрэнгүй жагсаалт;

 

 

РЕДАКЦИЙН ЗӨВЛӨЛ

Харилцах утас: 89602356, Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй.

 

Эрхэм хүндэт эрдэмтэн багш нараа

Монгол орныхоо аюулгүй байдал, хөгжил цэцэглэлтийг найдвартай батлан хамгаалах үйл хэрэгт бэлтгэгдсэн, бэлтгэгдэж буй үе үеийн сэхээтэн залуусыг өндөр боловсролтой эв тэгш төлөвшилтэй болгох ариун үйлсэд өөрийн бүхий л амьдралыг сэтгэл харамгүй зориулж явсан ахмад багш нар, тэднийхээ залгамж халааг нэр төртэй үргэлжлүүлэн яваа эрдэмтэн багш нар Та бүхэндээ Монголын Багш нарын 48 дахь өдрийн баярын мэндийг өргөн дэвшүүлье.

БХИС-ийн хөгжил, дэвшлийн түүх нь үе дамжсан эрдэмтэн багш нарын маань хичээнгүй хөдөлмөр, бүтээлч, ажил хэрэгч хандлага, оюуны болон арга зүйн туршлагын дундрашгүй ундаргын үр дүн билээ. Дээд боловсролын шинэчлэл, орчин цагийн шинэ шаардлагуудтай нийцүүлэн агуулга, дүр төрх, хэв шинжийн цогц өөрчлөлтийг БХИС хийхээр зорьж байна. Энэ үйл явцын хөдөлгүүр нь тус сургуулийн эрдэмтэн багш нарын бүрэлдэхүүн агаад та бүхний сэтгэлгээ, арга зүй, хандлагын өөрчлөлт бүр нь сургуулийнхаа ирээдүйн төлөвийг илэрхийлэхэд үнэлж баршгүй дэмжлэг болох билээ.

Амжилт бүтээлээр дүүрэн энэхүү баяраа угтан буй та бүхнээрээ чин сэтгэлээсээ бахархаж буйгаа илэрхийлэхийн ялдамд, ажил үйлс тань өөдрөг байж, амьдрал тань тэнүүн, аз жаргалаар бялхан байхын өлзий дэмбэрэлтэй ерөөлийг өргөн дэвшүүлье. 

 

ДЭЭД БОЛОВСРОЛЫН ТЭТГЭЛЭГТ ХӨТӨЛБӨР 2014-2015

Эл Жи Групп нь Бүгд Найрамдах Солонгос улсын эдийн засгийн хөгжилд тэргүүлэх байр суурь эзэлдэг томоохон компаниудын нэг билээ. Өндөр технологи бүхий өөрийн бараа бүтээгдэхүүн, үйлчилгээг дэлхийн олон орны үйлчлүүлэгчдэд тасралтгүй хүргэсээр байна. Тус группын охин компани болох Эл Жи интернэйшнл корпораци нь анх Зориг сантай хамтран дээд боловсролыг дэмжих зорилгоор оюутны тэтгэлэгт хөтөлбөрийг хэрэгжүүлсээр 7 дахь жилтэйгээ золгоод байна.

Хөтөлбөрт Улаанбаатар хотод байрлах МУИС, ШУТИС, АШУҮИС, ХААИС, СЭЗДС-ийн бакалаврын өдрийн ангийн 3 ба түүнээс дээш дамжаанд 3.1-3.5 голч дүнтэй суралцаж буй санхүүгийн тодорхой бэрхшээлийн улмаас сургалтын төлбөрөө төлөхөд хүндрэлтэй байгаа оюутнууд өрсөлдөх боломжтой.

Шалгарсан 9 оюутны сургалтын төлбөрийг бүрэн төлөхөөс гадна шилдэг гурван оюутанд сар бүр 100 ам.долларын тэтгэмж олгоно.

Хөтөлбөрт хамруулах шалгуурууд:

-   Дотоодын их, дээд сургуулийн үндсэн ангид диплом, бакалавр зэргээр суралцаж буй оюутан байх

-   Сурлагын голч дүн 3.1-3.5 байх

-   Гэр бүл нь амжиргааны баталгаажих түвшинээс доогуур орлоготой буюу сургалтын төлбөрийг төлөх санхүүгийн боломжгүй

-   Оюутан залуучуудын дунд зохиогддог нийгмийн аливаа үйл ажиллагаанд манлайлан оролцдог

-   Бусад эх үүсвэрээс тэтгэлэг, тэтгэмж (Үндэсний тэтгэлэг буюу сар бүр олгогддог тэтгэлэгээс бусад бүх тэтгэлэг, тэтгэмж)-д хамрагдаагүй байх.

Бүртгэл:

-     2014 оны 10 сарын 9-ний өдрийн 16 цагаас өмнө  http://www.jotform.me/zorigfoundation/lg2014 хуудсаар орж цахим өргөдлийн маягт бөглөнө.

-     Дээрх хуудсанд “Тэтгэлэгт хөтөлбөрт өрсөлдөх миний давуу талууд сэдвээр 500 үгтэй эссэ /ЗААВАЛ/ хавсаргана.

-     Суралцсан нийт хугацааны албан ёсны баталгаажсан дүнгийн хуулбар,

-     Өөрийн зураг, давуу талуудыг илэрхийлсэн бусад материалыг хавсаргана.

Жич: Энэ хичээлийн жилээс бүртгэлийг зөвхөн цахимаар хийх тул дээр дурдсанаас өөр ямарваа нэг материал нэхэгдэхгүй болно. Иймд Зориг сангийн байранд өөрийн биеэр ирэх шаардлагагүйг анхаарна уу.

Шалгаруулалт:

Урьдчилсан шалгаруулалтыг Эссэ болон цахим өргөдлийн маягтыг үндэслэн явуулна. Зөвхөн урьдчилсан шалгаруулалтанд тэнцсэн өргөдөл гаргагчтай утсаар холбогдож ганцаарчилсан ярилцлаганд урих бөгөөд ярилцлагын үр дүнгээр эцсийн шалгаруулалтыг хийнэ.

Урьдчилсан шалгаруулалтанд тэнцсэн оюутнууд ярилцлаганд ирэхдээ:

-     Суралцсан нийт хугацааны албан ёсны баталгаажсан дүнгийн хуулбар эх хувиар

-     Өрхийн ам бүл, орлогын тодорхойлолт (Харъяа хороо буюу багийн засаг даргын тодорхойлолт, эцэг эхийн цалингийн тодохойлолт)

-     Нийгмийн идэвхийг тодорхойлсон бусад нэмэлт материал /тухайн оюутан өөрийн давуу талыг илэрхийлэх бүх төрлийн сертификат, батламж, үнэмлэх гэх мэт зүйлийг эх хувиар нь/ авч ирнэ. Шалгаруулалтыг Зориг сан болон Эл Жи Группын ажилтнуудаас бүрдсэн  баг зохион байгуулна.


Танд асуулт байвал Email: scholarship@zorigfoundation.org хаягаар холбогдоно уу.       

 

Тунгаамал нэвтрүүлэгт оролцов

БХИС-ийн ГХСТ-ийн хамт олон 40 жилийн ойгоо тохиолдуулан МҮОНТ-ээс зохион байгуулдаг “Тунгаамал” уралдаант цэнгээнт нэвтрүүлэгт амжилттай оролцож тус нэвтрүүлэг зохион байгуулагдах хугацаанд анх удаагаа 1 сая төгрөгийн номоор шагнуулж түрүүлэв.

2014.09.28.

 


Хуудас 43-с 1

Санал хүсэлт

Таны нэр
Цахим шуудангын хаяг
санал хүсэлтийн агуулга
Санал хүсэлт
Шалгах асуулт: 2+2=
We support server hosting Coolhousing.

Статистик

Гишүүд : 230
Мэдээлэл : 695
Вэб холбоос : 6
Мэдээллийг Үзсэн Тоо : 498425

 

 

 

 

Яг одоо

Манайд 9 зочид онлайн

Хайлт

Элсэлтийн цахим бүртгэл

АТТЕСТАТЧИЛАЛ

БХИС-ийн сүлд дуу

Эрхэм зорилго

Эрдэм шинжилгээ, сургалтын ажил үйлчилгээний чанараар манлайлсан өрсөлдөх, хөрвөх боломжтой чадварлаг мэргэжилтэн бэлтгэдэг суралцагч их сургууль болно.

Firefox татах

ТА МАНАЙ САЙТЫГ ИЛҮҮ ХУРДАН,

АЛДААГҮЙ ҮЗЭХИЙГ ХҮСВЭЛ 

СОНГООРОЙ.


Эрдэм шинжилгээ, сургалтын ажил үйлчилгээний чанараар манлайлсан өрсөлдөх, хөрвөх боломжтой чадварлаг мэргэжилтэн бэлтгэдэг суралцагч их сургууль болно.